Здесь можно скачать в PDF 

Вселенский Патриархат

Храм Покрова Пресвятой Богородицы

41 Moore St, South Yarra

БОЖЕСТВЕННАЯ ЛИТУРГИЯ

иже во святых отца нашего

ИОАННА ЗЛАТОУСТАГО

 Текст для общецерковного пения

Музыкальная разбивка песнопений для удобства хорового пения осуществлена регентом нашего хора мадам Натальей Сроур-Соколовой

 

 

Диакон: Благослови, владыко.

Иерей: Благословено Царство Отца и Сына и Святаго Духа, ныне и присно и во веки веков.

Хор: Аминь.

Диакон: Миром Господу помолимся.

Хор: Господи, помилуй.

О Свышнем мире и спасении душ наших. Господу помолимся.

Хор: Господи, помилуй.

О мире всего мира, благостоянии Святых Божиих Церквей и соединении всех. Господу помолимся.

Хор: Господи, помилуй.

О святем храме сем и с верою, благоговением и страхом Божиим входящих в онь. Господу помолимся.

Хор: Господи, помилуй.

О Великом Господине и Отце нашем Всесвятейшем Патриархе Вселенском Варфоломее и о Господине нашем Высокопреосвященнейшем архиепископе Стилиане и о господине нашем Преосвященнейшем епископе Иезекииле, честнем пресвитерстве, во Христе диаконстве, о всем причте и людех Господу помолимся.

Хор: Господи, помилуй.

О Благочестивейшей Государыне и Королеве Елизавете и о всем королевском доме, о богохранимой стране Австралийской, властех и воинстве ея, Господу помолимся.

Хор: Господи, помилуй.

О богохранимой державе Российской и православном народе ея Господу помолимся.

Хор: Господи, помилуй.

О граде сем, всяком граде, стране и верою живущих в них. Господу помолимся.

Хор: Господи, помилуй.

О благорастворении воздухов, о изобилии плодов земных и временех мирных. Господу помолимся.

Хор: Господи, помилуй.

О плавающих, путешествующих, недугующих, страждущих, плененных и о спасении их. Господу помолимся.

Хор: Господи, помилуй.

О избавитися нам от всякия скорби, гнева и нужды. Господу помолимся.

Хор: Господи, помилуй.

Заступи, спаси, помилуй и сохрани нас. Боже, Твоею благодатию.

Хор: Господи, помилуй.

Пресвятую, Пречистую, Преблагословенную. Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу предадим.

Хор: Тебе, Господи.

Иерей: Яко подобает Тебе всякая слава, честь и поклонение. Отцу и Сыну и Святому Духу, ныне и присно и во веки веков.

Хор: Аминь.

Первый антифон

Благослови, душе моя, Господа,/

Благословен еси Господи./

 

Благослови, душе моя, Господа/

и вся внутренняя моя/

имя святое Его./

 

Благослови, душе моя, Господа/

и не забывай всех воздаяний Его:/

 

очищающаго вся бeззакония твоя,/

изцeляющeго вся недуги твоя,/

 

Щедр и милостив Господь,/

долготерпелив и многомилостив.


Благослови, душе моя, Господа,/

и вся внутреняя моя,/

имя святое Его.//

Благословен еси Господи.

 

Паки и паки миром Господу помолимся.

Хор: Господи, помилуй.

Заступи, спаси , помилуй и сохрани нас Боже Своею благодатию.

Хор: Господи, помилуй.

Пресвятую, Пречистую, Преблагословенную. Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу предадим.

Хор: Тебе, Господи.

Иерей: Яко Твоя держава и Твое есть Царство, и сила и слава. Отца и Сына и Святаго Духа, ныне и присно и во веки веков.

Хор: Аминь. Слава Отцу и Сыну и Святому Духу.

Второй антифон

Слава Отцу, и Сыну,/

и Святому Духу.

 

Хвали, душе моя, Господа./

Восхвалю Господа в животе моем,/

пою Богу моему , дондеже есмь./

 

Не надейтеся на князи, на сыны человеческия,/

в них же несть спасения./

 

Изыдет дух его,/

и возвратится в землю свою:/

и той день погибнут вся помышления его./

 

Воцарися Господь во век,//

Бог твой, Сионе, в род и род.

 

И ныне и присно и во веки веков. Аминь.

 

Единородный Сыне, и Слове Божий, безсмертен Сый,/

и изволивый спасения нашего ради/

воплотиться от святыя Богородицы и Приснодевы Марии,/ непреложно вочеловечивыйся,/

распныйся же Христе Боже, смертию смерть поправый,/

Един сый Святыя Троицы,/

спрославляемый Отцу и Святому Духу, спаси нас/

спаси нас.

 

Паки и паки миром Господу помолимся.

Хор: Господи, помилуй.

Заступи, спаси , помилуй и сохрани нас Боже Своею благодатию.

Хор: Господи, помилуй.

Пресвятую, Пречистую, Преблагословенную. Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу предадим.

Хор: Тебе, Господи.

Иерей: Яко благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь (дважды).

Третий антифон: Блаженны

Во Царствии Твоем/

помяни нас, Господи, егда приидеши во Царствии Твоем./

 

Блажени нищии духом,/

яко тех есть Царство Небесное./

 

Блажени плачущии,/

яко тии утешатся./

 

Блажени кротции,/

яко тии наследят землю./

 

Блажени алчущии и жаждущии правды,/

яко тии насытятся./

 

Блажени милостивии,/

яко тии помиловани будут./

 

Блажени чистии сердцем,/

яко тии Бога узрят./

 

Блажени миротворцы,/

яко тии сынове Божии нарекутся./

 

Блажени изгнани правды ради,/

яко тех есть Царство Небесное./

 

Блажени есте, егда поносят вам,/

и изженут, и рекут всяк зол глагол на вы, лжуще Мене ради./

 

Радуйтеся и веселитеся,//

яко мзда ваша многа на небесех.

Вход с Евангелием

Диакон: Премудрость, прости.

Хор: Приидите, поклонимся и припадем ко Христу. Спаси ны, Сыне Божий, воскресый из мертвых, поющия Ти: аллилуйя.

Тропари и кондаки

Диакон: Господу помолимся.

Хор: Господи помилуй.

Иерей: Яко Свят еси. Боже наш, и Тебе славу возсьшаем. Отцу и Сыну и Святому Духу, ныне и присно.

Диакон: Господи, спаси благочестивыя и услыши ны.

Хор: Господи, спаси благочестивыя и услыши ны.

Диакон: И во веки веков.

Хор: Аминь.

Трисвятое

Хор: Святый Боже, Святый Крепкий, Святый Безсмертный. помилуй нас. (Трижды)

Слава Отцу и Сыну и Святому Духу, и ныне и присно и во веки веков. Аминь. Святый Безсмертный, помилуй нас.

Святый Боже, Святый Крепкий, Святый Безсмертный, помилуй нас.

Диакон: Вонмем

Иерей: Мир всем.

Чтец: И духови твоему.

Диакон: Премудрость.

Чтец: Прокимен...

Хор повторяет прокимен.

Диакон: Премудрость.

Чтец: Деяний святых апостол чтение. Или: Соборнаго послания Петрова; или: Иоаннова чтение. Или. К римляном; К коринфяном; К галатом; к Тимофею и.т.п.; или послания святаго апостола Павла чтение.)

Диакон: Вонмем.

Чтение Апостола.

Иерей: Мир ти.

Чтец: И духови твоему.

Диакон: Премудрость.

Чтец: аллилуйарий.

Хор: Аллилуйя (трижды).

Диакон: Благослови, владыко, благовестителя святаго апостола и евангелиста (имя евангелиста).

Иерей: Бог, молитвами святаго, славнаго, всехвальнаго апостола и евангелиста (имя), да даст тебе глагол, благовествующему силою многою, во исполнение Евангелия Возлюбленнаго Сына Своего, Господа нашего Иисуса Христа.

Диакон: Аминь.

Иерей: Премудрость, прости, услышим святаго Евангелия. Мир всем.

Хор: И духови твоему.

Диакон: От (имя) святаго Евангелия чтение.

Хор: Слава Тебе, Господи, слава Тебе.

Иерей: Вонмем.

Чтение Евангелия.

Иерей: Мир ти, благовествующему!

Хор: Слава Тебе, Господи, слава Тебе.

 

Диакон: Рцем вси от всея души, и от всего помышления нашего рцем.

Хор: Господи, помилуй.

Диакон: Господи Вседержителю, Боже отец наших, молим Ти ся, услыши и помилуй.

Хор: Господи, помилуй.

Диакон: Помилуй нас. Боже, по велицей милости Твоей, молим Ти ся, услыши и помилуй.

Хор: Господи, помилуй, Господи помилуй, Господи помилуй.

Еще молимся о Великом Господине и Отце нашем Всесвятейшем Патриархе Вселенском ВАРФОЛОМЕЕ, и о Господине нашем Высокопреосвященнейшем архиепископе Стилиане, и и о Господине нашем Преосвященнейшем епископе Иезекииле, и всей во Христе братии нашей.

Хор: Господи, помилуй, Господи помилуй, Господи помилуй.

Еще молимся о Благочестивейшей Государыне нашей Королеве Елисавете и о всем Королевсом доме, о Богохранимей стране нашей Австралийской, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй, Господи помилуй, Господи помилуй.

Еще молимся о братиях наших, священницех, священномонасех и всем во Христе братстве нашем.

Хор: Господи, помилуй, Господи помилуй, Господи помилуй.

Еще молимся о блаженных и приснопамятных святейших Патриарсех православных, и создателех святаго храма сего, и о всех преждепочивших отцех и братиях, зде лежащих и повсюду, православных.

Хор: Господи, помилуй, Господи помилуй, Господи помилуй.

Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего (возглашаются имена о их же молятся священники со всею церковью).

Хор: Господи, помилуй, Господи помилуй, Господи помилуй.

Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Хор: Господи, помилуй, Господи помилуй, Господи помилуй.

Иерей: Яко милостив и Человеколюбец Бог еси, и Тебе славу возсылаем, Отцу и Сыну и Святому духу, ныне и присно и во веки веков.

Хор: Аминь.

 

Диакон: Помолитеся, оглашеннии, Господеви.

Хор: Господи, помилуй.

Вернии, о оглашенных помолимся, да Господь помилует их.

Хор: Господи, помилуй.

Огласит их словом истины.

Хор: Господи, помилуй.

Открыет им Евангелие правды.

Хор: Господи, помилуй.

Соединит их Святей Своей, Соборней и Апостольстей Церкви.

Хор: Господи, помилуй.

Спаси, помилуй, заступи и сохрани их. Боже, Твоею благодатию.

Хор: Господи, помилуй.

Оглашеннии, главы ваша Господеви приклоните.

Хор: Тебе, Господи.

Иерей: Да и тии с нами славят пречестное и великолепоеИмя Твое, Отца и Сына и Святаго Духа, ныне и присно и во веки веков.

Хор: Аминь.

Диакон: Елицы оглашеннии, изьдите, оглашеннии, изыдите; елицы оглашеннии, изыдите. Да никто от оглашенных, елицы вернии, паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас. Боже, Твоею благодатию.

Хор: Господи, помилуй.

Диакон: Премудрость.

Иерей: Яко подобает Тебе всякая слава, честь и поклонение. Отцу и Сыну и Святому Духу, ныне и присно и во веки веков.

Хор: Аминь.

Диакон: Паки и паки миром Господу помолимся.

Хор: Господи, помилуй.

О свышнем мире и спасении душ наших. Господи помолимся.

Хор: Господи, помилуй.

О мире всего мира, благостоянии святых Божиих Церквей и соединении всех. Господу помолимся.

Хор: Господи, помилуй.

О святем храме сем и с верою, благоговением и страхом Божиим входящих в онь. Господу помолимся.

Хор: Господи, помилуй.

О избавитися нам от всякия скорби, гнева и нужды. Господу помолимся.

Хор: Господи, помилуй.

Заступи, спаси, помилуй и сохрани нас. Боже, Твоею благодатию.

Хор: Господи, помилуй.

Диакон: Премудрость.

Иерей: Яко да под державою Твоею всегда храними, Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Херувимская песнь

Иже херувимы/

тайно образующе/

и Животворящей Троице/

Трисвятую песнь припевающе,/

всякое ныне житейское//

отложим попечение.

Великий вход

Диакон: Великаго Господина и Отца нашего Всесвятейшего ВАРФОЛОМЕЯ, Патриарха Вселенского, Архиепископа Константинополя, Нового Рима, и Господина нашего Высокопреосвященнейшаго Стилиана Архиепископа Австралийского и Господина нашего Преосвященнейшего Иезекиеля, епископа Мельбурнского, да помянет Господь Бог во Царствии Своем, всегда, ныне и присно и во веки веков.

Благочестивейшую Государыню Королеву Елисавету и весь Королевский Дом, богохранимую страну нашу Австралийскую, вдастей и воинство ея да помянет Господь Бог во Царствии Своем, всегда, ныне и присно и во веки веков.

Богохранимую державу Российскую и все наши страны родные и православных людей их да помянет Господь Бог во Царствии Своем, всегда, ныне и присно и во веки веков.

Иерей: Вас и всех православных христиан да помянет Господь Бог во Царствии Своем, всегда, ныне и присно и во веки веков.

Хор: Аминь./

Яко да Царя всех подымем,/

ангельскими невидимо дароносимо/

носимо чинми.//

Аллилуиа, аллилуиа, аллилуиа.

Диакон: Исполним молитву нашу Господеви.

Хор: Господи, помилуй.  

О предложенных честных Дарех, Господу помолимся.

Хор: Господи, помилуй.  

О святем храме сем и с верою, благоговением и страхом Божиим входящих в онь, Господу помолимся.

Хор: Господи, помилуй.  

О избавится нам от всякия скорби, гнева и нужды. Господу помолимся.

Хор: Господи, помилуй.  

Заступи, спаси, помилуй и сохрани нас. Боже, Твоею благодатию.

Хор: Господи, помилуй.  

Дне всего совершенна, свята, мирна и безгрешна, у Господа просим.

Хор: Подай, Господи.

Ангела мирна, верна наставника, хранителя душ и телес наших, у Господа просим.

Хор: Подай, Господи.

Прощения и оставления грехов и прегрешений наших, у Господа просим.

Хор: Подай, Господи.

Прочее время живота нашего в мире и покаянии скончати, у Господа просим.

Хор: Подай, Господи.

Христианския кончины живота нашего, безболезнены, непостыдны, мирны, и добраго ответа на Страшнем Судищи Христово, просим.

Хор: Подай, Господи.

Пресвятую, Пречистую, Преблагословенную. Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.

Хор: Аминь.

Иерей: Мир всем.

Хор: И духови твоему.

Диакон: Возлюбим друг друга, да единомыслием исповемы.

Хор: Отца, и Сына, и Святого Духа,/

Троицу Единосущную/

и Нераздельную.

Диакон: Двери, двери, премудростию вонмем.

Символ веры

Верую/

во Единого Бога Отца Вседержителя,/

Творца неба и земли, видимым же всем и невидимым./

И во Единого Господа Иисуса Христа, Сына Божия,/

Единородного, Иже от Отца рожденного прежде всех век./

Света от света, Бога истинна от Бога истинна,/

рожденна не сотворенна, единосущна Отцу, Имже вся быша./

Нас ради, человек, и нашего ради спасения сшедшего с небес,/

и воплотившагося от Духа Свята и Марии Девы, и вочеловечшася./

Распятого же за ны при Понтийском Пилате,/

И страдавша, и погребена./

И воскресшаго в третий день по писанием./

И возшедшаго на небеса, и седяща одесную Отца./

И паки грядущаго со славою судити живым и мертвым, Егоже Царствию не будет конца./

И в Духа Святого, Господа Животворящаго,/

Иже от Отца исходящаго, Иже со Отцем и Сыном споклоняема с сславима, глаголовшаго пророки/

Во единую Святую Соборную и Апостольскую Церковь./ Исповедаю едино крещение во оставление грехов./

Чаю воскресение мертвых,/

и жизни будущаго века./

Аминь.

Диакон: Станем добре, станем со страхом, вонмем. Святое Возношение в мире приносит

Хор: Милость мира. Жертву хваления.

Иерей: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами.

Хор: И со духом твоим.

Иерей: Горе имеим сердца.

Хор: Имамы ко Господу.

Иерей: Благодарим Господа.

Хор: Достойно и праведно есть/

поклонятися Отцу и Сыну/

и Святому Духу,/

Троице//

Единосущней и Нераздельней.

Иерей: Победную песнь поюще, вопиюще, взывающей глаголюще.

Хор: Свят, Свят, Свят Господь/

Саваоф, исполнь небо и земля славы Твоея;/

осанна в вышних,/

благословен Грядый во имя Господне,/

осанна в вышних.

Иерей: Приимите, ядите. Сие есть Тело Мое, еже за вы ломимое во оставление грехов.

Хор: Аминь.

Иерей: Пийте от нея вси, сия есть Кровь Моя Новаго Завета, яже за вы и за многи изливаемая во оставление грехов.

Хор: Аминь.

Иерей: Твоя от Твоих Тебе приносяще о всех и за вся.

Хор: Тебе поем. Тебе благословим, Тебе благодарим. Господи, и молим Ти ся. Боже наш.

Иерей: Изрядно о Пресвятой, Пречистей, Преблагословенней, Славней Владычице нашей Богородице и Приснодеве Марии.

Хор: Достойно есть, яко воистинну/

блажити Тя, Богородицу,/

Присноблаженную и Пренепорочную/

и Матерь Бога нашего./

Честнейшую Херувим/

и славнейшую без сравнения Серафим,/

без истления Бога Слова рождшую//

сущую Богородицу Тя величаем. (или задостойник)

 

Иерей: В первых помяни Господи, Великаго Господина и Отца нашего Всесвятейшаго Патриарха ВАРФОЛОМЕЯ Патриарха Вселенского, Архиепископа Константинополя, нового Рима, и Господина нашего Высокопреосвященнейшаго Стилиана Архиепископа Австралийского и Господина нашего Иезекииля, Епископа Мельбурнского, ихже даруй святым Твоим Церквам в мире, целых, честных, здравых, долгоденствующих, право правящих слово Твоея истины.

Хор: И всех и вся.

Иерей: И даждь нам единеми усты и единем сердцем славити и воспевати Пречестное и Великолепое Имя Твое, Отца и Сына и Святаго Духа, ныне и присно и во веки веков.

Хор: Аминь.

Иерей: И да будут милости Великаго Бога и Спаса нашего Иисуса Христа со всеми вами.

Хор: И со духом твоим.

 

Диакон: Вся святыя помянувше, паки и паки миром Господу помолимся.

Хор: Господи, помилуй.

О принесенных и освященных Честных Дарех, Господу помолимся.

Хор: Господи, помилуй.

 

Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную благодать и дар Святаго Духа, помолимся.

Хор: Господи, помилуй.

 

О избавится нам от всякия скорби, гнева и нужды. Господу помолимся.

Хор: Господи, помилуй.

 

Заступи, спаси, помилуй и сохрани нас. Боже, Твоею благодатию.

Хор: Господи, помилуй.

 

Дне всего совершенна, свята, мирна и безгрешна, у Господа просим.

Хор: Подай, Господи.

Ангела мирна, верна наставника, хранителя душ и телес наших, у Господа просим.

Хор: Подай, Господи.

 

Прошения и оставления грехов и прегрешений наших, у Господа просим.

Хор: Подай, Господи.

 

Добрых и полезных душам нашим и мира мирови, у Господа просим.

Хор: Подай, Господи.

 

Прочее время живота нашего в мире и покаянии скончати, у Господа просим.

Хор: Подай, Господи.

 

Христианския кончины живота нашего, безболезненны, непостыдны, мирны, и добраго ответа на Страшнем Судищи Христово, просим.

Хор: Подай, Господи.

 

Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати:

Господня молитва

Отче наш,/

Иже еси на небесех!/

Да святится имя Твое, да приидет Царствие Твое,/

да будет воля Твоя, яко на небеси и на земли./

Хлеб наш насущный даждь нам днесь,/

и остави нам долги наша, якоже и мы оставляем должником нашим,/

и не введи нас во искушение,//

но избави нас от лукаваго.

Иерей: Яко Твое есть Царство, и сила, и слава. Отца и Сына и Святаго Духа, ныне и присно и во веки веков.

Хор: Аминь.

Иерей: Мир всем.

Хор: И духови твоему.

Диакон: Главы ваша Господеви приклоните.

Хор: Тебе, Господи.

Иерей: Благодатию, и щедротами, и человеколюбием Единородного Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков.

Хор: Аминь.

Диакон: Вонмем.

Иерей: Святая святым.

Хор: Един Свят, един Господь Иисус Христос, во славу Бога Отца. Аминь.

(Причащение священнослужителей в алтаре.)

Причастен

Хвалите Господа с небес, хвалите Его в вышних. Аллилуйя, аллилуйя, аллилуйя.

Диакон: Со страхом Божиим и верою приступите!

Хор: Благословен Грядый во Имя Господне, Бог Господь и явися нам.

Иерей: Верую, Господи, и исповедую, яко Ты еси воистинну Христос, Сын Бога Живаго, пришедый в мир грешныя спаси, от них же первый есмь аз. Еще верую, яко Сие самое есть Пречистое Тело Твое, и Сия самая есть Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов и в Жизнь Вечную.

Вечери Твоея Тайныя днесь. Сыне Божий, причастника мя приими; не бо врагом Твоим тайну повем, ни лобзания Ти дам яко Иуда, но яко разбойник исповедаю Тя: помяни мя, Господи, во Царствии Твоем.

Да не в суд или во осуждение будет мне причащение Святых Твоих Тайн, Господи, но во исцеление души и тела. Аминь.

Хор (во время причащения): Тело Христово приимите,/

источника безсмерного вкусите.

Иерей: Спаси, Боже, люди Твоя и благослови достояние Твое.

Хор: Видехом свет истинный,/

прияхом Духа Небесного,/

обретохом веру истинную,/

Нераздельней Троице поклоняемся:/

Та бо нас спасла есть.

Иерей: Всегда, ныне и присно и во веки веков.

Хор: Аминь.

Да исполнятся уста наша/

хваления Твоего, Господи,/

яко да поем славу Твою,/

яко сподобил еси нас причаститися/

Святым Твоим Божественным, безсмертным и животворящим Тайнам;/

соблюди нас о Твоей святыни,/

весь день поучатис правде Твоей.//

Аллилуиа, аллилуиа, аллилуиа.

 

Диакон: Прости приимше Божественных, Святых, Пречистых, Безсмертных. Небесных и Животворящих. Страшных Христовых Тайн, достойно благодарим Господа.

Хор: Господи, помилуй.

Заступи, спаси, помилуй и сохрани нас. Боже, Твоею благодатию.

Хор: Господи, помилуй.

День весь совершен, свят, мирен и безгрешен испросивше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: Яко Ты еси Освящение наше, и Тебе славу возсылаем. Отцу и Сыну и Святому Духу, ныне и присно и во веки веков.

Хор: Аминь.

Иерей: С миром изыдем.

Хор: О имени Господни.

Диакон: Господу помолимся.

Хор: Господи, помилуй.

Молитва заамвонная

Иерей: Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех возпрослави Божественною Твоею силою, и не остави нас, уповающих на Тя. Мир мирови Твоему даруй, Церквам Твоим, священником, воинству и всем людем Твоим. Яко всякое даяние благо, и всяк дар совершен свыше есть, сходяй от Тебе, Отца Светов; и Тебе славу, и благодарение, и поклонение возсылаем. Отцу и Сыну и Святому Духу, ныне и присно и во веки веков.

Хор: Аминь. Буди Имя Господне благословено отныне и до века. (Трижды).

Иерей: Благословение Господне на вас. Того благодатию и человеколюбием, всегда, ньше и присно и во веки веков.

Хор: Аминь.

Иерей: Слава Тебе, Христе Боже, Упование наше, слава Тебе.

Хор: Слава, и ныне. Господи, помилуй (Трижды). Благослови.

Иерей произносит отпуст (в воскресенье): Воскресый из мертвых, Христос, истинный Бог наш, молитвами Пречистыя Своея Матере, святых славных и всехвальных апостол, иже во святых отца нашего Иоанна, архиепископа Константина града, Златоустаго и святаго (храма и дня) святых и праведных Богоотец Иоакима и Анны и всех святых, помилует и спасет нас, яко Благ и Человеколюбец.

Многолетие

Хор: Великого Господина и Отца нашего Варфоломея,/ Всесвятейшего Патриарха Вселенскаго,/

и Господина нашего Высокореосвященнейшаго Стилиана/

архиепископа Австралийскаго/

и господина нашего Преосвященнейшего Иезекииля/ епископа Мельбурнскаго,/

братию и прихожан святаго храма сего и вся православныя христианы,//

Господи, сохрани их на многая лета

 

По обычаю священник дает крест для целования молящимся.

RUSSIAN ORTHODOX CHURCH OF THE HOLY VIRGIN’S PROTECTION ECUMENICAL PATRIARCHATE

41 Moore Street, South Yarra Melbourne VIC

  • Facebook Social Icon
  • Twitter Social Icon

Рекомендуем Вашему благочестивому вниманию эти сайты